एलजी स्मार्ट टिभीका अपरेटिङ सिस्टम ५ वर्षसम्म निःशुल्क अपग्रेड

प्रविधि

गृहपृष्ठ
प्रविधि

एलजी स्मार्ट टिभीका अपरेटिङ सिस्टम ५ वर्षसम्म निःशुल्क अपग्रेड

क्यापिटल नेपालशनिबार, असार ८, २०८१

काठमाडौं। एलजी इलेक्ट्राेनिक्सले पुराना एलजी स्मार्ट टिभीका ग्राहकलाई नयाँ वेबओएस स्मार्ट टिभी प्लेटफर्मको अपग्रेड गरिरहेको बताएको छ। २०२४ को सुरुमा वेबओएस रिन्यू प्रोग्रामले एलजीको २०२२ ओएलईडी टिभी लाइनअप, एलजी ओएलईडी फ्लेक्स, एलजी ओएलईडी अब्जेक्ट कलेक्सन पोसे, साथै एलजीको २०२२ क्यूएनईडी मिनी एलईडी ८के ९क्यूएनईडी९९र९५ श्रृंखलाको प्रत्येक मोडलमा नयाँ वेबओएस अपग्रेड ल्याएको थियो।

यसले प्रयोगकर्तालाई अर्को पाँच वर्षको लागि नयाँ टिभी अनुभवको आनन्द दिने कम्पनीकाे भनाइ छ। यो अपग्रेड भविष्यमा विश्वभरका अन्य एलजी टिभीमा विस्तार गरिनेछ ताकि टिभी अनुभवमा थप मनोरञ्जन थप्न सकियोस्।

वेबओएसको नयाँ संस्करणसँग, एलजी स्मार्ट टिभीका ग्राहकले व्यक्तिगत टिभी अनुभवको आनन्द लिन सक्छन्, जसमा होम स्क्रिनले प्रयोगकर्तालाई उनीहरूको रोजाइअनुसार छनाेट अवसर दिनेछ। उन्नत सुरक्षा प्रविधि र अनुकूलित अपरेटिङ सिस्टमले प्रयोगकर्तालाई टिभी हेर्ने अनुभवको समयमा उच्च स्तरको स्थिरता, सुरक्षा र सहजतासँग सुरक्षित गर्ने कम्पनीले जनाएकाे छ।

एलजी वेबओएस रिन्यू प्रोग्राम नेपालमा उपलब्ध २०२२ देखिका ओएलईडी र क्यूएनईडी टिभी र २०२३ देखिका युएचडी टिभीमा पनि लागू हुनेछ। नेपालभर एलजी ब्रान्डको आधिकारिक विक्रेता चौधरी ग्रुपअन्तर्गत सिजी इलेक्ट्रोनिक्स रहेको छ।

प्रकाशित मिति: शनिबार, असार ८, २०८१ १३:४५

प्रतिक्रिया दिनुहोस्