२ जना सहसचिवको बढुवा गर्ने मन्त्रिपरिषद्‌को निर्णय

राजनीति

गृहपृष्ठ
राजनीति

२ जना सहसचिवको बढुवा गर्ने मन्त्रिपरिषद्‌को निर्णय

क्यापिटल नेपालबिहीबार, जेठ ३, २०८१

काठमाडौं। प्रशासन र प्राविधिक तर्फका दुई जना सहसचिवहरु सचिवमा बढुवा भएका छन्। बिहीबार बसेको मन्त्रिपरिषद् बैठकले प्रशासनतर्फ लोकनाथ पौडेल र प्राविधिकतर्फ राजेन्द्रप्रसाद मिश्रलाई सचिवमा बढुवा गर्ने निर्णय गरेको हो।

पौडेल हाल मधेस प्रदेशको कायममुकायम सचिव र मिश्र कृषि तथा पशुपन्छि विकास मन्त्रालयअन्र्तगत कार्यरत छन्। वैशाख ३० मा लोकसेवा आयोगका अध्यक्ष माधवप्रसाद रेग्मीको अध्यक्षतामा बसेको बढुवा सिफारिस समितिको बैठकले प्रशासनतर्फ रिक्त सचिवमा बढुवाका लागि सहसचिवहरू गोविन्दबहादुर कार्की, लोकनाथ पौडेल र महादेव पन्थलाई सिफारिस गरेको थियो।

त्यस्तै प्राविधिकतर्फको रिक्त सचिव पदका लागि वैशाख ३१ मा बढुवा सिफारिस समितिको बैठकले सहसचिवहरू सञ्जीवकुमार कर्ण, राजेन्द्रकुमार मिश्र र सवनम शिवाकोटी अर्याललाई सिफारिस गरेको थियो।

प्रकाशित मिति: बिहीबार, जेठ ३, २०८१ १६:०९

प्रतिक्रिया दिनुहोस्