बागमतीका मुख्यमन्त्री जम्कट्टेल अस्वस्थ, श्वासप्रश्वासले च्यापेपछि थप उपचारार्थ काठमाडौं ल्याइँदै

राजनीति

गृहपृष्ठ
राजनीति

बागमतीका मुख्यमन्त्री जम्कट्टेल अस्वस्थ, श्वासप्रश्वासले च्यापेपछि थप उपचारार्थ काठमाडौं ल्याइँदै

क्यापिटल नेपालमंगलबार, वैशाख २५, २०८१

काठमाडौं। नेकपा माओवादी केन्द्रका नेता एवं बागमती प्रदेशका मुख्यमन्त्री शालिकराम जम्कट्टेल अस्वस्थ भएका छन्।

सिन्धुलीमा रहेका जम्कट्टेललाई श्वासप्रश्वाससम्बन्धी समस्या देखिएपछि सेनाको हेलिकोप्टरबाट थप उपचारका लागि काठमाडौं ल्याइन लागेको हो।

मुख्यमन्त्री जम्कट्टेलको स्वास्थ्य गम्भीर देखिएपछि थप उपचारार्थ सेनाको हेलिकोप्टर पठाइएको गृह मन्त्रालयका प्रवक्ता नारायणप्रसाद भट्टराईले पुष्टि गरे। प्रेसर पनि अत्यधिक लो रहेका जम्कट्टेललाई हेलिकोप्टरमार्फत काठमाडौं ल्याएर नर्भिक अस्पतालमा उपचार गराउने तयारी छ।

त्यसअघि उनको स्थानीय अस्पतालमा प्राथमिक उपचार गरिएको थियो। मुख्यमन्त्री जम्कट्टेल खानेपानी आयोजना उद्घाटन गर्न सिन्धुली हुँदै रामेछापको मन्थली जाँदै थिए।

उनलाई उपचारका लागि सिन्धुलीस्थित आत्मीय सामुदायिक अस्पतालमा लगिए पनि श्वासप्रश्वासमा समस्या देखिएपछि थप उपचारका लागि काठमाडौं ल्याउन लागिएको हो।

प्रकाशित मिति: मंगलबार, वैशाख २५, २०८१ १४:०७

प्रतिक्रिया दिनुहोस्