सिटिजन्स बैंकको नाफा १ अर्ब २१ करोड, अधिकांश सूचक सकारात्मक

बैंकिङ

गृहपृष्ठ
बैंकिङ

सिटिजन्स बैंकको नाफा १ अर्ब २१ करोड, अधिकांश सूचक सकारात्मक

क्यापिटल नेपालशुक्रबार, वैशाख ७, २०८१

काठमाडौं। सिटिजन्स इन्टरनेसनल बैंकले चालु आर्थिक वर्षको तेस्रो त्रैमासमा १ अर्ब २१ करोड रुपैयाँ खुद नाफा कमाएको छ। उक्त नाफा गत आवको सोही अवधिको तुलनामा १.९९ प्रतिशतले कम हो। गत वर्षको चैत मसान्सम्म बैंकले १ अर्ब २३ करोड रुपैयाँ खुद नाफा कमाएको थियो।

बैंकद्वारा सार्वजनिक चालु वर्षको तेस्रो त्रैमासको अपरिष्कृत वित्तीय विवरणअनुसार उक्त अवधिमा बैंकको वितरण योग्य नाफा १ करोड ८९ लाख १९ हजार रुपैयाँ रहेको छ।

यसैगरी चालु वर्षको चैत मसान्तसम्म बैंकले १ खर्ब ८२ अर्ब ५० करोड रुपैयाँ निक्षेप संकलन गरी १ खर्ब ५२ खर्ब ५६ करोड रुपैयाँ कर्जा प्रवाह गरेको छ। जस वापत बैंकले २ अर्ब २५ करोड रुपैयाँ खुद ब्याज आम्दानी गरेको छ। उक्त अवधिमा बैंकले ४ अर्ब २१ करोड रुपैयाँ खुद संचालन मुनाफा गरेको छ। साथै सो अवधिमा बैंकले ९८ करोड ५७ लाख रुपैयाँ राइट ब्याक समेत गरेको छ।

समीक्षा अवधिमा बैंकको निष्कृय कर्जा ३.७६ प्रतिशत रहेको छ। गत वर्षको सोही अवधिमा बैंकमा यस्तो कर्जा ३.९८ प्रतिशत थियो। साथै चैत मसान्तसम्म बैंकको कष्ट अफ फण्ड ६.९५ प्रतिशत, आधारदर ८.९९ प्रतिशत, स्प्रेडरेट ४ प्रतिशत र कर्जा निक्षेप अनुपात ८४.२१ प्रतिशत रहेको छ।

प्रकाशित मिति: शुक्रबार, वैशाख ७, २०८१ ०७:५५

प्रतिक्रिया दिनुहोस्