‘ग्यालेक्सी एस२३ एफई’ अल्टिमेट फ्यान एडिसन नेपाल आउँदै

प्रविधि

गृहपृष्ठ
प्रविधि

‘ग्यालेक्सी एस२३ एफई’ अल्टिमेट फ्यान एडिसन नेपाल आउँदै

क्यापिटल नेपालबिहीबार, कात्तिक २३, २०८०

काठमाडौं। ग्यालेक्सी एस२३ सिरिजपछि सामसङ नेपालले ‘ग्यालेक्सी एस२३ एफई’ बजार ल्याउने तयारी पूरा गरेको छ। ग्यालेक्सी एस२३ सिरिज विश्वव्यापी नै लोकप्रिय भएपछि यसलाई ल्याउन लागेको कम्पनीले जनाएको छ।

कम्पनीले आफ्नो एस२३ सिरिजका फोनका विशेषता कायम राख्दै अत्यन्त सुलभ मुल्यमा ग्यालेक्सी एस२३ एफ ई विश्वबजारमा ल्याइसकेको छ।

ग्यालेक्सी एस२३ एफ ई, एस२३ सिरिजकै एक्सटेन्सन होे, जसमा ग्यालेक्सीका प्रशंसकले मनपराएका मुख्य विशेषता सुलभ मुल्यसाथ एउटा एपिक स्मार्टफोनमा समावेश गरिएको छ।

फ्ल्यागसिप मोबाइलको अनुभव लिन वा आफ्नो मोबाइललाई अपग्रेड गर्न चाहने ग्राहकका लागि यो नयाँ एफ ई अत्यन्तै उपयुक्त हुने जनाइएको छ। नयाँ एस२३ एफ ईमा भएको सर्वोत्कृष्ट कार्यक्षमताले ग्यालेक्सी प्रयोगकर्तालाई उनीहरूको क्रिएटिभिटी र प्रडक्टिभिटी अझ बढाउन मद्दत गर्ने छ।

ग्यालेक्सी एस२३ एफ ई आउँदो डिसेम्बरमा नेपाली बजारमा प्रवेश गरेर तहल्का मच्चाउन तयार रहेको कम्पनीको भनाइ छ। यो मोबाइलको प्रि–अर्डर देशभरिका सामसङ स्टोरबाट नोभेम्बर अन्तिम साताबाट खुला हुने अपेक्षा गरिएको छ।

प्रकाशित मिति: बिहीबार, कात्तिक २३, २०८० १८:३५

प्रतिक्रिया दिनुहोस्