काठमाडौंका यी ३ सडकलाई बनाईंदै छ ‘वान वे’, कत्तिकदेखि लागु हुने

पूर्वाधार

गृहपृष्ठ
पूर्वाधार

काठमाडौंका यी ३ सडकलाई बनाईंदै छ ‘वान वे’, कत्तिकदेखि लागु हुने

क्यापिटल नेपालसोमबार, असोज २२, २०८०

काठमाडौं। काठमाडौं महानगरका ३ वटा सडकलाई एकतर्फी (वान वे) बनाइने भएको छ। अहिले दोहोरो सवारी सञ्चालन भइरहेका सडक खण्डलाई एकतर्फी बनाउन लागिएको महानगरपालिकाका ट्राफिक विज्ञ सल्लाहकार जगतमान श्रेष्ठले जानकारी दिए।

अब काठमाडौं र ललितपुर जोड्ने सेतोपुल, गुसिङ्गाल, मिलनमार्ग हुँदै त्रिपुरेश्वर आउने सडकमा त्रिपुरेश्वरबाट त्यो सडक खण्डमा प्रवेश गर्न पाइँदैन।

त्यस्तै जमल र दरबारमार्गबाट रत्नपार्क आउँदा त्रिचन्द्र क्याम्पस अगाडिबाट बायाँ मोडेर गणेशस्थान, प्रज्ञाभवन हुँदै कमलादी मोडतर्फ आउन नपाइने बनाइनेछ।

पुतलीसडकबाट काठमाडौँ प्लाजा हुँदै हात्तीसारतर्फको सडक खण्डमा अब प्लाजाबाट बायाँ मोडिन पाइने छैन। यहाँदेखि महेन्द्र शालिकसम्मको सडकलाई एकतर्फी बनाउने तयारी भएको छ।

यी सडकलाई वान वे बनाउन रङ्ग रोगन गर्ने काम भइरहेको र कात्तिक १ गतेदेखि लागु गर्ने तयारी भएको महानगरले जनाएको छ।

प्रकाशित मिति: सोमबार, असोज २२, २०८० १०:२१

प्रतिक्रिया दिनुहोस्