उपत्यकामा थप ७२४ जना कोरोना संक्रमित

काठमाडौं– पछिल्लो २४ घण्टामा काठमाडौं उपत्यकामा ७२४ जना कोरोना संक्रमित थपिएका छन्।

काठमाडौंमा ५८३ जना, ललितपुरमा ७८ जना र भक्तपुरमा ६३ जना संक्रमित थपिएका हुन्। 

कोरोना संक्रमितको कुल संख्या भने ७१ हजार ८२१ पुगेको छ। पछिल्लो २४ घण्टामा १२ सय ७ जना थपिएका छन् भने ११ सय ४७ जना संक्रमणमुक्त भएका छन्।
सक्रिय संक्रमित १८ हजार ३४१ जना छन्।

पछिल्लो २४ घण्टामा देशभर ८ जना कोरोना संक्रमितको मृत्यु भएको छ। योसँगै मृतकको कुल संख्या ४६७ पुगेको छ।

पछिल्लो डेढ महिनादेखि दैनिक कोरोना संक्रमितको मृत्यु भइरहेको छ।

आजको दिनमा देशभर २२४ जना संक्रमित आईसीयूमा छन् भने २७ जना भेन्टिलेटरमा छन्।