ट्विटर मुख्यालय भवनमा रहेकाे ‘एक्स’ लोगो किन हटाइयो ?

प्रविधि

गृहपृष्ठ
प्रविधि

ट्विटर मुख्यालय भवनमा रहेकाे ‘एक्स’ लोगो किन हटाइयो ?

क्यापिटल नेपालबुधबार, साउन १७, २०८०

काठमाडौं। विश्वका धनाड्यमध्येका एक इलन मस्कले ट्विटर मुख्यालय भवनमा राखेको एक्स लोगो हटाइएको छ।

करिब एक साताअघि मस्कले ट्विटरको नाम परिवर्तन गरी एक्स राखेका थिए। त्यसपछि कम्पनीले जताततै एक्स ब्रान्डिङ लागू गर्ने प्रक्रियालाई अगाडि बढाएको थियो।

तर, केही दिनअघि सान फ्रान्सिस्कोस्थित मुख्यालयमा जडान गरिएको प्रकाशसहितको आकर्षक एक्स लोगो हालै हटाइएको हो। उक्त नयाँ लोगोको उज्यालोले समस्या पारेको गुनासो आएपछि लोगो हटाइएको हो।

उक्त लोगोको बारेमा एक साता अवधिमा २४ वटा उजुरी परेका थिए। त्यसपछि लोगो हटाउनुका साथै भवन सञ्चालकलाई जरिवानासमेत लगाइएको छ। मस्कले जुलाईको अन्तिम साता माइक्रोब्लगिङ साइट ट्विटरको नाम परिवर्तन गरेर एक्स गर्ने निर्णय गरेका थिए।

यससँगै कम्पनीले ब्लू बर्ड लोगोको सट्टा एक्स लोगो प्रयोग गर्न थालेको छ। पहिले वेब संस्करणमा लागू गरेको यो प्रणाली हाल मोबाइल एपमा पनि लागू भइसकेको छ।

प्रकाशित मिति: बुधबार, साउन १७, २०८० १६:०१

प्रतिक्रिया दिनुहोस्