सुर्खेत- कर्णाली प्रदेशमा शुक्रबार २७ जना कोरोना संक्रमित थपिएका छन्। संक्रमितमध्ये सुर्खेतका ११ जना, सल्यानका १० जना, जाजरकोटका र दैलेखका दुईदुई तथा डोल्पा र बाजुराका एकएक जना छन्।
प्रदेश प्रयोगशाला र पशुपन्छी रोग अन्वेषण प्रयोगशाला सुर्खेतमा गरिएको पीसीआर परीक्षणमा सुर्खेतको वीरेन्द्रनगर नगरपालिका–४, ६, ७, १०, ११ वडाका, डोल्पाको मुड्केजुला गाउँपालिका–६ का र सल्यानको कुमाख गाउँपालिका–२ का एकएक जनामा संक्रमण पुष्टि भएको हो।
राष्ट्रिय जनस्वास्थ्य प्रयोगशाला टेकुमा गरिएकाे परीक्षणमा सल्यानको कुमाल गाउँपालिकाका नौ जना र जाजरकोटको शिवालय गाउँपालिका–२ र वडा ४ का एकएक जनामा संक्रमण पुष्टि भएको छ।
दैलेख अस्पताल दैलेखमा गरिएको परीक्षणमा वीरेन्द्रनगर नगरपालिका–१, ५, ८, ९ र १३ का एकएक जना र वडा ४ का दुइ जना, दैलेखको नारायण नगरपालिका–१, ६ र बाजुराको स्वामीकार्तिक खापर गाउँपालिका–१ का एकएक जनामा पनि संक्रमण पुष्टि भएको छ।
योसँगै कर्णालीमा कोरोना संक्रमितको संख्या एक हजार पाँच सय ८८ जना पुगेको कर्णाली प्रदेश सामाजिक विकास मन्त्रालयले जनाएको छ।
कर्णाली स्वास्थ्य विज्ञान प्रतिष्ठान जुम्लाबाट २५ जना र दुल्लु अस्पताल दैलेखबाट एक जना गरी २६ जना डिस्चार्ज भएका छन्। हालसम्म एक हजार तीन सय ४७ जना डिस्चार्ज भएको मन्त्रालयले जनाएको छ।
अब कर्णालीका विभिन्न अस्पतालमा दुइ सय ३६ जना कोरोना संक्रमित उपचार गराइरहेको मन्त्रालयका स्वास्थ्य सेवा महाशाखा प्रमुख डा. लक्ष्मीनारायण तिवारीले जानकारी दिए।
प्रकाशित: Jul 10, 2020| 15:50 शुक्रबार, असार २६, २०७७
