प्रतिस्पर्धात्मक खेलमा सोभियाको जित

एजेन्सी– स्पेनिस ला लिगा अन्तर्गत गएराति सम्पन्न खेलमा सेभियाले घरेलु टिम एथ्लेटिक क्लबमाथी २–१ गोलअन्तरले जित निकालेको छ। साम म्याम्स रंगशालामा सम्पन्न खेलमा पाहुना टोलीले जित निकालेको हो।

जितका लागि इबर बनेगा र मनिर इल हादीले गोल गरे। उसो त खेलको २९ औं मिनेटमा गोल गर्दै एथ्लेटिक क्लबका उन्डर कापाले सुरुवाती अग्रता बनाएका थिए। घरेलु टिमले पहिलो हाफसम्म जोगाएको अग्रता दोस्रो हाफको ६९ औं मिनेटमा गुमाउन पुग्यो।

बनेगाले ६९ औं मिनेटमा गोल गरेर खेललाई बराबरीमा ल्याए। त्यस्तै बनेगाको पासमा मुनिलरले खेलको ७४ औं मिनेटमा गोल गर्दै सेभियलाई जित दिलाए।

जितसहित ६३ अंक बनाएको सेभिया अंकतालिकाको चौथो स्थानमा छ यद्यपि तेस्रो स्थानको एट्लेटिको मड्रिडसँग भने समान अंक छ।

यता पराजय भोगेको एथ्लेटिक क्लब ४८ अंकका साथ नवौं स्थानमा छ।

गएराति नै सम्पन्न अन्य खेलमा मायोर्काले घरेलु मैदानमा लेभान्टेलाई २–० गोल अन्तरले हराएको छ भने आइबरले लेगानेसँग आफ्नै मैदानमा गोलरहित बराबरी खेलेको छ।

ला लिगामा आजका खेल
रियल सोसिडाड र ग्रनाडा, राति सवा ११ बजे
रियल मड्डि र अलाभेस, राति पौने २ बजे