कतार एयरवेजको ग्लोबल ब्रान्ड एम्बेसडरमा दीपिका पादुकाेण

पर्यटन

गृहपृष्ठ
पर्यटन

कतार एयरवेजको ग्लोबल ब्रान्ड एम्बेसडरमा दीपिका पादुकाेण

क्यापिटल नेपालबुधबार, फागुन १७, २०७९

काठमाडौं। कतार एयरवेजको ग्लोबल ब्रान्ड एम्बेसडरमा भारतीय चर्चित नायिका दीपिका पादुकाेण नियुक्त भएकी छिन्। कतारको दोहामा कर्पोरेट अफिस रहेको कतार एयरवेजले सन् २०२३ का लागि भारतीय चर्चित नायिका पादुकाेणलाई नियुक्त गरेको विज्ञप्तिमा उल्लेख गरेको छ।

विश्वभर प्रिमियर र लक्जरीयस सेवा दिँदै उडान गर्दै आएको कतारले नयाँ क्याम्पियन सुरु गरेसँगै ग्लोबल ब्रान्ड एम्बेसडरमा दीपिकालाई समावेश गरिएको जनाएको छ। दीपिकासँगको सहकार्यमा नयाँ ब्रान्ड अभियान सुरु गरेको छ।

ब्रान्ड एम्बेसडरमा नियुक्त भएपछि नायिका पादुकोणले कतार एयरवेजको यात्रालाई विलासिता र भव्यताको नयाँ स्तरमा जोड्ने अभियानमा आफ्नो पूर्ण साथ रहने बताइन्। उनले कतार एयरवेजका ग्राहकहरूलाई विश्वकै उत्कृष्ट विमानस्थल, हमाद अन्तर्राष्ट्रिय विमानस्थलबाट ट्रान्जिट गर्ने प्रिमियम अनुभवलाई समेटिने बताइन्।

कतार एयरवेज समूहका प्रमुख कार्यकारी अकबर अल बकरले निरन्तर उत्कृष्टताका लागि प्रयासमा आफूहरू सदैब लागिरहेको बताए। उनले दीपिकासँगको सहकार्यले कतार एयरवेजले आफ्ना ग्राहकहरूलाई आकाश र जमिनमा प्रिमियम अनुभवहरू कसरी प्रदान गर्छ भन्ने कुरालाई सुन्दर ढंगले प्रस्तुत गर्ने विश्वास व्यक्त गरेका छन्।

'कतार एयरवेजमा दीपिकालाई हाम्रो ग्लोबल ब्रान्ड एम्बेसडरको रूपमा पाउँदा हामी साँच्चै खुसी छौं’, समूहका प्रमुख कार्यकारी अकबर अल बकरको भनाइ उदृत गर्दै विज्ञप्तिमा भनिएको छ।
कतार एयरवेजले हाल विश्वभरका १ सय ५० भन्दा बढी गन्तव्यहरूमा उडान गर्दै आएको छ।

प्रकाशित मिति: बुधबार, फागुन १७, २०७९ ११:५५

प्रतिक्रिया दिनुहोस्