संकटग्रस्त श्रीलंकालाई संयुक्त राष्ट्रसंघले आर्थिक सहयाेग गर्ने

मुख्य समाचार

गृहपृष्ठ
मुख्य समाचार

संकटग्रस्त श्रीलंकालाई संयुक्त राष्ट्रसंघले आर्थिक सहयाेग गर्ने

क्यापिटल नेपालबिहीबार, पुस २१, २०७९

एजेन्सी। संयुक्त राष्ट्रसंघले चरम आर्थिक संकटबाट गुज्रिएको दक्षिण एसियाली टापु राष्ट्र श्रीलंकालाई आर्थिक तथा प्राविधिक सहयोग गर्ने भएकाे छ।

राष्ट्रसंघका सहायक महासचिव तथा राष्ट्रसंघीय विकास कार्यक्रम (युएनडिपी) का एसिया–प्रशान्त क्षेत्रीय निर्देशक कान्नी विगनराजले श्रीलंकालाई आर्थिक तथा प्राविधिक सहयोग गर्ने बताएका हुन्।

राष्ट्रपति रनिल विक्रमासिंघे र उनको नेतृत्वको प्रतिनिधिमण्डलसँग भएको भेटमा सहायक महासचिव विगनराजले आर्थिक तथा प्राविधिक सहयोगको आश्वासन दिएकाे राष्ट्रपतिको कार्यालयले जनाएको छ।

राष्ट्रसंघका अधिकारीले राष्ट्रपति विक्रमासिंघे र उनको सरकारले देशको आर्थिक संकट समाधानका लागि गरेका प्रयासको प्रशंसा गरेका थिए।

राष्ट्रपति विक्रमासिंघे नेतृत्वको प्रतिनिधिमण्डलसँग भएको भेटवार्ता आर्थिक सुधारमा केन्द्रित थियो। छलफलमा मुलुकको दीर्घकालीन आर्थिक पुनरूत्थान र वृद्धि सुनिश्चित गर्न कठोर निर्णय लिनुपर्ने सहायक महासचिवको कथनप्रति प्रतिनिधिमण्डलले सहमति जनाएको थियो।

प्रकाशित मिति: बिहीबार, पुस २१, २०७९ १५:१५

प्रतिक्रिया दिनुहोस्