सुर्खेत– कोरोना भाइरस संक्रमणको त्रास बढेपछि सोमबारदेखि कर्णाली प्रदेशका गाउँगाउँमा चिकित्सकसहितको टोली खटाउन थालिएको छ।
कर्णाली प्रदेश सरकारले प्रदेशका अति दुर्गम र स्वास्थ्य संस्थाको पहुँचबाहिर रहेका ७१८ वडामा स्वास्थ्यकर्मी खटाउन सुरु गरेको हो।
प्रदेश अस्पाल सुर्खेत र कर्णाली स्वास्थ्य विज्ञान प्रतिष्ठानका चिकित्ससहितको टोली विभिन्न स्थानीय तह र वडामा जान सुरु गरेकोे सामाजिक विकास मन्त्री दल रावलले जानकारी दिएका छन्।
मन्त्री रावलका अनुसार कर्णाली स्वास्थ्य विज्ञान प्रतिष्ठान जुम्लाले हुम्ला र जुम्लाका ८ वटा स्थानीय तहमा विशेषज्ञ चिकित्सकहरु पठाएको छ।
हुम्लाको सर्केघाट, ताजाकोट, अदानचुली र चङ्खेली गाउँपालिकामा दुई दुई जना चिकित्सक खटाइएको प्रतिष्ठानका निर्देशक मंगल विश्वकर्माले जानकारी दिए।
त्यस्तै जुम्लाको कनकासुन्दरी, सिंजा, हिमा र तातोपानी गाउँपालिकामा पनि चिकित्सक पठाइएको छ।
मुगुको सत्याडमा कर्णाली स्वास्थ्य विज्ञान प्रतिष्ठानका चिकित्सकसहितको टोली ।
प्रदेश अस्पताल सुर्खेतले पनि आइतबारदेखिनै विभिन्न स्थानमा चिकित्सकसहितको टोली खटाएको मन्त्रालयले जनाएको छ ।
चिकित्सक टोलीले विदेश र बाहिरी जिल्लाबाट फर्किएका नागरिकको स्वास्थ्य परीक्षण गर्ने, शंकास्पद व्यक्तिको नमूना संकलन गरीे परीक्षण गर्ने र संक्रमणबाट बच्ने उपायबारे जानकारी दिने लगायतका काम गर्नेछ।
त्यस्तै परीक्षणलाई तीब्र बनाउन प्रदेश सरकारले कर्णालीका विभिन्न २७ वटा स्थानीय तहमा विशेषज्ञ चिकित्सक खटाएको छ।
नुवाकोटमा सिन्दुरे जात्राको रौनक
समाजसेवाका 'अनुराधा'हरू
