फलफूल र तरकारीको विषादी परीक्षण गर्न तीन ठूला ल्याव स्थापना हुँदै, १५ करोड बजेट लगानी

कृषि

गृहपृष्ठ
कृषि

फलफूल र तरकारीको विषादी परीक्षण गर्न तीन ठूला ल्याव स्थापना हुँदै, १५ करोड बजेट लगानी

हरिप्रसाद शर्मामंगलबार, असोज २८, २०७६

काठमाडौं । सरकारले तरकारी तथा फलफुलमा विषादी परीक्षण गर्न काठमाडौं उपत्यका बाहिर ठूला तीनओटा ल्याव (प्रयोगशाला) स्थापना गर्ने भएको छ । चालू आर्थिक बर्षमा नै ल्याव सञ्चालनमा ल्याउने गरी सरकारले १५ करोड बजेट समेत बिनियोजन गरेको छ ।

आयातित तरकारी तथा फलफुलको बिषादी परीक्षण गरेर मात्रै भित्र्याउने उद्धेश्यअनुसार पहिलो चरणमा उपत्यकाबाहिर तीनओटा प्रयोगशाला स्थापना गर्न लागिएको कृषि मन्त्रालयले जनाएको छ । यसबर्ष कार्यान्वयनमा लैजाने गरी उपत्यकाबाहिर तीनओटा ठूला ल्याव स्थापनाका लागि बजेट छुट्याएको कृषिमन्त्री चक्रपाणी खनालले बताए । ‘अहिले तीनओटा ल्याव तुरुन्त भ्याली बाहिर राख्दैछौं । त्यसका लागि बजेट छुट्याएर कार्यान्वयन अघि बढाएका छौं’ उनले भने, ‘अहिले हामीले चेकजाँच रोकेका छैनौं ।’

स्थापना हुने ल्याबबाट सवै प्यारामिटर वा विभिन्न २९ ओटा बिषादीका ग्रुप चेकजाँच गर्न सकिनेछ । ल्यावले अन्तराष्ट्रिय मापदण्ड अनुसार बिषादी चेकजाँच गर्न सकिने जनाएको छ । अहिले प्रदेश नम्बर ३ ले ५ ओटा प्रयोगशाला स्थापना गरी चेकजाँच गरिरहेको छ । सवै प्रदेशमा गरी जम्मा ११ ओटा ल्याव मार्फत नियमित तरकारी तथा फलफुल र उपभोग्य वस्तुको चेकजाँच भइरहेको छ । नयाँ ल्याब काठमाडौं उपत्यकाबाहिर पूर्व, मध्य र पश्चिमी क्षेत्रमा राखिनेछ ।

प्रकाशित मिति: मंगलबार, असोज २८, २०७६ १२:५१

प्रतिक्रिया दिनुहोस्