श्रीलंका-सिंगापुर स्वतन्त्र व्यापार सम्झौता कार्यान्वयन गर्न राष्ट्रपतिकाे निर्देशन

मुख्य समाचार

गृहपृष्ठ
मुख्य समाचार

श्रीलंका-सिंगापुर स्वतन्त्र व्यापार सम्झौता कार्यान्वयन गर्न राष्ट्रपतिकाे निर्देशन

क्यापिटल नेपालबिहीबार, मंसिर १, २०७९

एजेन्सी। श्रीलंकाका राष्ट्रपति रनिल विक्रमासिंघेले निर्यात बढाउन श्रीलंका-सिंगापुर स्वतन्त्र व्यापार सम्झौता (एफटीए) तत्काल कार्यान्वयन गर्न अधिकारीहरूलाई निर्देशन दिएको स्थानीय सञ्चारमाध्यमले जनाएको छ।

यो कदम सिंगापुरका गैरआवासीय उच्चायुक्त चन्द्र दासको श्रीलंकाको औपचारिक भ्रमणको बीचमा आएको हो। दासले श्रीलंकाका विदेशमन्त्री अली साब्रीलाई भेटेर दुई देशबीचको द्विपक्षीय सहयोग अभिवृद्धि गर्ने विषयमा विस्तृत छलफल गरेका थिए।

सन् २०१८ मा श्रीलंका-सिगांपुर स्वतन्त्र व्यापार सम्झौतामा हस्ताक्षर भएको थियो तर अझै सो सम्झौता पूर्ण रूपमा कार्यान्वयन हुन सकेको छैन।एफटीएले वस्तु, सेवा, लगानी, बौद्धिक सम्पत्ति, दूरसञ्चार, इ-वाणिज्य, व्यापार सहजीकरण, सरकारी खरिद, प्रतिस्पर्धा र आर्थिक तथा प्राविधिक सहयोगलाई समेट्छ।

प्रकाशित मिति: बिहीबार, मंसिर १, २०७९ २०:४७

प्रतिक्रिया दिनुहोस्