काठमाडौं उपत्यकासहित पश्चिम भेगमा वर्षा, यस्तो हुनेछ शनिबार र आइतबारको मौसम

आज (शुक्रबार) राति काठमाडौं उपत्यका र देशको पश्चिम भेगमा वर्षा भएको छ। 

देशको पूर्वी भागमा भने कतै आंशिक बदली र कतै मौसम सफा रहेको जल तथा मौषम विज्ञान विभागले जनाएको छ। 

भोलि शनिबार दिउँसो देशको पहाडी भागमा आंशिक बदली रही बाँकी भागमा मौसम सामान्यतया सफा हुनेछ।

त्यसैगरी पर्सी आइतबार पहाडी भागमा आंशिक बदली रही बाँकी भागमा मौेसम सामान्यतया सफा हुने देखिन्छ।

देशका केही स्थानहरुमा मेघ गर्जन, चट्याङ तथा हावाहुरीसहित वर्षाको सम्भावना रहेको तथा हिमाली भागका केही स्थानहरुमा हल्कादेखि मध्यम हिमपातको सम्भावना रहेकोले आवश्यक सतर्कता अपनाउन  विभागले अनुरोध गरेको छ।