औद्योगिक प्रयोजनका लागि २३ सय ७२ रूपैयाँमा ग्यास बेच्न उपसमितिको सिफारिस

मुख्य समाचार

गृहपृष्ठ
मुख्य समाचार

औद्योगिक प्रयोजनका लागि २३ सय ७२ रूपैयाँमा ग्यास बेच्न उपसमितिको सिफारिस

क्यापिटल नेपालमंगलबार, असार २८, २०७९

काठमाडौं । खाना पकाउने ग्यासको मूल्यबारे अध्ययन गर्न गठन गरिएको उपसमितिले औद्योगिक प्रयोजनका लागि लागत मूल्यमै ग्यास बिक्री गर्न सिफारिस गरेको छ । निगमले भारतीय आयल कर्पोरेसनसँग ग्यास प्रतिसिलिन्डर २३ सय ७१ रूपैयाँ ७८ पैसामा खरिद गर्दै आएको छ।

सरकारले ग्यासमा सहुलियत दिएर प्रतिसिलिन्डर १ हजार ८ सय रूपैयाँमा बिक्री गर्दै आएको छ। उक्त उपसमितिले गरेको सिफारिस कार्यान्वयनमा आएमा होटल-रेष्टुराँ तथा औद्योगिक क्षेत्रमा प्रयोग गर्न उद्योगी व्यापारीले अब प्रतिसिलिण्डर २३ सय ७१ रूपैयाँ ७८ पैसा तिर्नुपर्ने हुन्छ ।

अहिले घरायसी र औद्योगिक दुवै प्रयोजना एकै मूल्य कायम गर्दा निगमले प्रतिसिलिण्डर ५ सय ७१ रूपैयाँ ७८ पैसा घाटा बेहोर्दै आएको छ। निगमको पेट्रोलियम पदार्थको कुल घाटामध्ये ५० प्रतिशतभन्दा बढी खाना पकाउने एलपी ग्यासले ओगटेको निगमले जनाएकाे छ।

ग्यासको मूल्यमा उपसमितिले दुईवटा विकल्प सिफारिस गरेको नेपाल आयाल निगमका एलपी ग्यास विभागका प्रमुख नेत्र काफ्लेले बताए । अहिले हामीले सञ्चालक समितिलाई दुइटा विकल्प सिफारिस गरेका छौं ।

अब दुईथरी मूल्य गर्दा ग्यासको सिलिन्डरको रङ र साइज पनि परिवर्तन गरिनेछ। घरायसी प्रयोजनको ग्यास रातो सिलिण्डरमै हालकै साइजमा वितरण गरिनेछ भने औद्योगिक प्रयोजनका लगि नीलो रङमा १९ र ५० तौलको सिलिन्डर सिफारिस गरिएको छ।

प्रकाशित मिति: मंगलबार, असार २८, २०७९ १३:३२

प्रतिक्रिया दिनुहोस्