एक वर्षमा सुनको मूल्य १२ हजारले बढ्यो, कति पुग्यो त वर्षको अन्तिम दिन ?

मुख्य समाचार

गृहपृष्ठ
मुख्य समाचार

एक वर्षमा सुनको मूल्य १२ हजारले बढ्यो, कति पुग्यो त वर्षको अन्तिम दिन ?

क्यापिटल नेपालबुधबार, चैत ३०, २०७८

काठमाडौं । एक वर्षमा सुनको मूल्य १२ हजार रुपैयाँ बढेको छ । २०७७ साल चैत मसान्तमा प्रतितोला ८९ हजार ५ सय रुपैयाँ रहेको छापावाल सुनको मूल्य एक वर्षपछि आज १ लाख १ हजार ५ सय रुपैयाँ पुगेको हो । त्यस्तै तेजावी सुनको मूल्य १ लाख १ हजार रुपैयाँ कायम भएको छ ।

नेपाल सुनचाँदी व्यवसायी महासंघको तथ्याङ्कअनुसार गत वर्ष आजकै दिन चाँदीको मूल्य १२ सय ६० रुपैयाँ रहेको थियो । तर, यो वर्षभरि तोलामा १४० रुपैयाँ बढेर आज प्रतितोला १४ सय रुपैयाँ पुगेको छ ।

त्यसो त यो वर्ष नै नेपालको इतिहासमा सुनको मूल्य हालसम्मकै उच्च बिन्दुमा पुगेको थियो । गत फागुन २५ स्थानीय बजारमा सुनको मूल्यले नयाँ रेकर्ड कायम गर्दै १ लाख ५ हजार रुपैयाँ पुगेको थियो । सोही दिन चाँदीको मूल्य पनि प्रतितोला १४ सय ५० रुपैयाँमा कारोबार भएको महासंघले जनाएको थियो ।

प्रकाशित मिति: बुधबार, चैत ३०, २०७८ १२:२४

प्रतिक्रिया दिनुहोस्