युरोकपका लागि छानियो पोर्चुगल

काठमाडौं- साबिक विजेता पोर्चुगल युरोकप २०२० का लागि छनोट भएको छ।

युरोकप छनोटअन्तर्गत आइतबार राति सम्पन्न खेलमा लग्जेम्बर्गलाई २-०ले पराजित गर्दै पोर्चुगल युरोकपका लागि छनोट भएको हो। पोर्चुगलको जितमा बुरनो फर्नान्डेस र क्रिश्चियानो रोनाल्डोले एक–एक गोल गरे। फर्नान्डेसले खेलको ३९ औं र रोनाल्डोले ८६ औं मिनेटमा गोल गरेका हुन्।

जितसँगै पोर्चुगल समूह ‘बी’बाट उपविजेता बनेकाे छ। पोर्चुगलको ८ खेलबाट १७ अंक जोडेको छ।

युक्रेन भने समूह विजेता बन्दै युरोकपका लागि छानिएको छ। युक्रेनले ८ खेलबाट २० अंक जोडेको छ।

यस समूहमा सर्बिया तेस्रो स्थानमा छ। उसको ८ खेलमा १४ अंक छ।