खोलाले बगाउँदा मलामी गएका युवक बेपत्ता

धनगढी- मलामी गएका एक युवक खोलाले बगाउँदा बेपत्ता भएका छन्। बैतडीको सिगास गाउँपालिका–२ का अन्दाजी २६ वर्षीय प्रकाशसिंह धामी बेपत्ता खोलाले बगाएर बेपत्ता भएका हुन्।

आइतबार बिहान आफन्तको मलामी गएका उनी माडौ खोला नुहाउँने बगेर बेपत्ता भएका हुन्। उनीसँगै नरेन्द्रसिंह धामी, बिरेन्द्र सिंह धामी, नन्द धामी र बिरेन्द्र धामीलाई पनि खोलाले बगाएको थियो। 

तर, उनीहरूको स्थानीयले तत्काल उद्धार गरेका थिए। बेपत्ता धामीको खोजी कार्य जारी रहेको उनका आफन्त राजेन्द्र धामीले बताए। बेपत्ता धामीको खोजी कार्यका लागि गाँजरी प्रहरी चौकीबाट प्रहरी निरीक्षक बिरबहादुर कार्की नेतृत्वको टोली घटनास्थलतर्फ हिडेको प्रहरीले जनाएको छ।