काठमाडौं- नेपाली राष्ट्रिय क्रिकेट टोलीका लेग स्पिनर सन्दिप लामिछाने विराट कोहलीको कप्तानीमा रहेको रोयल च्यालेन्जर्स बेंगलोरविरुद्ध चार ओभर बलिङ गर्दै ४६ रन खर्चेका छन् । निकै नै महङ्गा सावित भएको सन्दीपले आफ्नो पहिलो ओभरमा १० रन खर्चेका थिए ।
त्यस्तै दोस्रो ओभरमा मात्र ६ रन खर्चेका उनले त्यसपछि आफ्नो तेस्रो ओभरमा एक विकेट लिँदै ११ रन खर्चे । तर, आफ्नो अन्तीम ओभरमा उनी किनै पिटिए । उनले आफ्नो अन्तीम ओभरमा १९ रन खर्चदै समग्रहमा चार ओभरमा ४६ रन खर्चेर एक विकेट लिएका हुन् । सन्दीपले जारी सिजनको आइपिएलमा चार खेल खेल्दै ५ विकेट लिएका छन् ।
टस हारेर पहिले ब्याटिङको निम्तो पाएको बेंगलोरले निर्धारित २० ओभरमा ८ विकेट गुमाउँदै दिल्ली क्यापिटल्सलाई १ सय ५० रनको लक्ष्य सुम्पेको छ ।
बेंगलोरका लागि कप्तान विराट कोहलीले सर्वाधिक ४१ रन जोडे । उनले ३३ बलको सामना गर्दै १ चौका र २ छक्का प्रहार गरे । त्यस्तै मोइन अलीले ३२ रन जोडे । उनले आक्रमक ब्याटिङ गर्दै १८ बलमा १ चौका र ३ छक्का प्रहार गर्दै ३२ रन जोडेका हुन् ।
अक्षदीप नाथले १९, एवी डेभिलियर्सले १७ र मक्र्युस स्टोनिसले १५ रन जोड्दा अन्य ब्याट्सम्यानले दोहोरो अंकमा रन छुन सकेनन्।
दिल्लीका लागि कागिसो राबाडाले ४ विकेट लिए । त्यस्तै क्रिस मोरिसले दुई विकेट लिँदा अक्सर पटेल र सन्दीप लामिछानेले समान एक एक विकेट लिए ।
प्रकाशित: Dec 31, 2017| 18:23 आइतबार, पुस १६, २०७४
