धनगढी-साफेबगर हवाईसेवा सुरु   

धनगढी- धनगढी र अछामको साफेवगर पहिलो पटक हवाई सेवामा जोडिएको छ । साफेबगर बिमानस्थल कालोपत्रे भए पछि शुक्रबारबाट हवाई सेवा जोडिएको हो । 

समिट एयरद्धारा पहिलो पटक धनगढीदेखी साँफेबगरसम्मको दोहोरो उडान भर्न सुरु गरेको छ । फागनु २२ गते नेपालगञ्ज देखी साँफेबगर परिक्षण उडान गरेको समिट एयरले शुक्रबारबाट साँफेबगर धनगढीका लागि नियमित उडान भर्न सुरु गरेको हो । 

नियमति उडान भएसंगै यस क्षेत्रका जनतालाई आवत जावत गर्न सहज हुने भएको छ । पहिलो चरणमा हप्ताको एक दिन शुक्रबार नियमित उडान गर्ने समिट एयरले जनाएको छ । यात्रुहरुको चाँप हेरेर आगामी दिनमा हप्तामा ४ दिन सम्म उडान भर्न सकिने समिट एयरका प्रतिनिधि दिपक दुवालले जानकारी दिए ।  

धनगढी देखी साँफेबगरसम्मका लागि तीन हजार तीन सय ५० रुपैया भाडादर कायम  गरिएको दुवालले बताए । यसअघि नेपाल एयरलाईन्सले नेपालगञ्ज देखी साँफेबगरका लागि नियमित उडान भर्दै आईरहेको छ । नेपाल एयरलाईन्सले हप्तामा दुई दिन आईतबार र बिहिबार उडान गर्दै आईरहेको हो  । 

धनगढी साफेबगर नियमित हवाईसेवा सुरु भएपछि अछामलगायत छिमेकी बाजुरा सम्मका यात्रुलाई आवतजावतमा सजिलो हुनेछ । धनगढी साफेवगरको हवाई यात्राको दुरी १७ मिनेटको रहेको छ । धनगढीबाट प्रदेश ७ का पहाडी जिल्लामा हवाई सेवा सुरु भएको अछाम नै पहिलो जिल्ला हो ।