पर्यटनमन्‍‍त्री रवीन्द्र चढेको हेलिकोप्टर दुर्घटना (पछिल्लो अपडेट)

विराटनगर : संस्कृति, पर्यटन तथा नागरिक उड्ड्यन मन्त्री रवीन्द्र अधिकारी चढेको हेलिकोप्टर दुर्घटनामा परेको छ। साढे एक बजेतिर ताप्लेजुङको दारेडाँडा नजिकै एयर डाइनेष्टीको हेलिकोप्टर दुर्घटनामा परेको हो। 

गृहसचिव प्रेमकुमार राईले हेलिकोप्टर दुर्घटना परेको पुष्टि गरेका छन्।  कल साइन एएमआई (अल्फा माइक इन्डिया) को हेलिकोप्टर दुर्घटनामा परेको जानकारी गृहसचिव राईले राज्य व्यवस्था समितिको बैठकमा दिएका छन्। 

हेलिकोप्टरमा छ जना रहेको बताइएको छ। ताप्लेजुङको दाह्रेडाँडा ठूलो आवाज सहित आगो बलेको सूचना आएपछि स्थानीय प्रहरी र स्थानीयवासी त्यसतर्फ लागेको ताप्लेजुङका एसपी सञ्जयसिंह थापाले बताए। दुर्घटनाबारे थप विवरण आउन बाँकी छ।

दुर्घटनाा परेको हेलिकप्टरमा पर्यटन मन्त्री अधिकारी, यति एयरलाइन्सका अध्यक्ष आङछिरिङ शेर्पा, प्रधानमन्त्रीका सरकारी स्वकीय सचिव युवराज दाहाल र अर्जुन गुरुङसहित ६ जना सवार रहेका प्रारम्भिक जानकारी प्राप्त भएको छ।

उद्धारका लागि स्थानीय प्रशासन र सुरक्षाकर्मीसहितको टोली घटनास्थलतर्फ गइसकेको छ। दुर्घटनास्थलमा हिउँ परिरहेकोले उद्धार गर्न कठिनाइ भएको स्थानीयले बताएका छन्।