कोरोना संक्रमण बढेपछि इजरायलमा पुनः तेस्रो पटक लकडाउन हुने

मुख्य समाचार

गृहपृष्ठ
मुख्य समाचार

कोरोना संक्रमण बढेपछि इजरायलमा पुनः तेस्रो पटक लकडाउन हुने

क्यापिटल नेपालबिहीबार, पुस ९, २०७७

एजेन्सी । कोरोना भाइरसको महामारी थप फैलिन नदिन इजरायलमा तेस्रो चरणको पूर्ण लकडाउन गरिने भएको छ । लकडाउन देशव्यापी हुने र स्थानीय समयअनुसार आगामी आइतबार बेलुका ५ बजेदेखि सुरु हुने अधिकारीहरुले जनाएका छन् ।

प्रधानमन्त्रीको कार्यालय र स्वास्थ्य मन्त्रालयद्वारा बिहीबार जारी संयुक्त वक्तव्यमा अहिले दुई हप्ताका लागि तय गरिएको लकडाउन आवश्यकताअनुसार लम्ब्याउन सकिने उल्लेख गरिएको छ ।

इजरायलमा दैनिक ४ हजारभन्दा बढी नयाँ सङ्क्रमित थपिने गरेका छन् । दैनिक सङ्क्रमितको सङ्ख्या एक हजारभन्दा तल नझर्दासम्म लकडाउन नहटाउने बताइएको छ ।

लकडाउन अन्तर्गत घरदेखि १ हजार मिटरभन्दा बढी टाढा जान नपाइने व्यवस्था गरिएको वक्तव्यमा उल्लेख छ । एक ठाउँबाट अर्को ठाउँमा गएर बस्न पनि प्रतिवन्ध लगाइने भएको छ ।

सवै व्यवसायीक तथा व्यापारिक कार्यालयहरू बन्द गरिने भए पनि अत्यावश्यक सेवाका कार्यालय भने सूचारु गर्न दिइने अधिकारीले जनाएका छन् । काम गर्नेहरूलाई घरबाटै काम गर्न आग्रह गरिने र सार्वजनिक स्थलमा भीडभाड गर्न नपाइने जनाइएको छ ।

सार्वजनिक सवारी साधनहरूमा आधा मात्रै यात्रु राख्न पाइने व्यवस्था गर्न लागिएको अधिकारीहरुले जनाएका छन् । लकडाउनका बेलामा पुर्व प्राथमिक कक्षा, कक्षा १ देखि ४ सम्म र कक्षा ११ र १२ का पढाइ मात्रै सञ्चालन गर्न दिइने भएको छ ।

प्रकाशित मिति: बिहीबार, पुस ९, २०७७ २०:५०

प्रतिक्रिया दिनुहोस्