विराट गोल्डकप आजदेखि

काठमाडौं- विराट गोल्डकप फुटबल प्रतियोगिता आजदेखि विराटनगरमा सुरुहुँदै छ।

स्थानीय शहीद रंगशालामा फ्लर्ड लाइटमा हुने प्रतियोगिताको उद्घाटन खेलमा घरेलु टोली विराटनगर सिटी फुटबल क्लबर र विभागीय क्लब नेपाल पुलिस आमबीच प्रतिस्पर्धा हुने छ।  विराट गोल्डकपको मुख्य प्रयोजकको रुपमा काब्रा ग्रुप रहेको छ। 

२०१८ सालदेखि महेन्द्र गोल्डकपको नाममा सञ्चालन हुँदै आएको फुटबल प्रतियोगिता २०७५ सालदेखि विराट गोल्डकपको रूप परिवर्तन भएको थियो। प्रतियोगितामा ८ टिमले नकआउट प्रतिस्पर्धा गर्ने छन्। 

नेपालका तीन विभागीय क्लब एपीएफ, त्रिभुवन आर्मी, नेपाल पुलिसका साथै, संकटा, जवालाखेल र घरेलु टोलीको रुपमा विराटनगर सिटी फुटबल क्लब रहने छन्। प्रतियोगिताको पुरस्कार राशीमा पनि बृद्धि गरिएको छ।

यसवर्षको उपाधि विजेताले २० लाख १५ हजार प्राप्त गर्दा उप विजेता हुने टिमले १० लाख २५ हजार रुपैयाँ प्राप्त गर्ने छ। गत संस्करणको विजेता एपीएफले १५ लाख १५ हजार र उपविजेता पञ्जाव पुलिसले ७ लाख ५१ हजार प्राप्त गरेका थिए। 

यसैगरी विधागत उत्कृष्ट खेलाडी तथा प्रशिक्षकलाई नगद २५ हजार रुपैया प्रदान गर्ने छौं भने हरेक दिनको प्लेयर अफ दी म्याचलाई नगद ११ हजार रुपैयाँ पुरस्कार दिइने छ।

प्रतियोगितालाई भव्य र सभ्यका साथै व्यवस्थित गर्नका लागि टिकेटिङ पार्टनरको रुपमा ‘खल्ती एप’रहेको छ।