नेपालले निकाल्यो १० विकेटको सानदार जित

काठमाडौं – नेपालले आईसीसी यू–१९ विश्वकप एसिया क्षेत्र छनोटका चार खेलमा लगातार जित निकालेको छ। छनोटको चौथो खेलमा मलेसियामाथि १० विकेटको सानदार जित निकाल्दै नेपालले जितको यात्रालाई कायम राखेको हो।

पहिले ब्याटिङ गर्दै मलेसियाले नेपाललाई दिएको ७३ रनको सानो लक्ष्य प्रस्तुत गरेको थियो। जवाफमा नेपालले कुनै पनि विकेट नगुमाइकन लक्ष्य पुरा गरेको हो। लक्ष्य पुरा गर्ने क्रममा नेपालले लामो समय खेल्नै परेन।

मलेसियाका मुहम्मद अक्रम मालेकले २६, मुहम्मद सायाहिरले १२,  मूहम्मद हरिसानले १२ रन बनाएका थिए।बलिङतर्फ, नेपालका लागि दीपेश कंडेलले १० ओभरमा ११ रन खर्चिएर ४ विकेट लिए भने आकाश चन्दले ३ विकेट र मिलन बोहोराले २ विकेट लिए।

जवाफमा नेपालले ९ ओभरमै लक्ष्य पूरा गर्यो । ओपनर दिपक बोहराले ३८ अर्जुन कुमालले २१ रन बनाए। दुवै खलाडी अविजित रहे।

पहिलो पारीमा टस जितेर ब्याटिङ गरेको मलेसिया ३५।३ ओभरमा ७२ रन बनाउँदै अलआउट भएको थियो। अब नेपालले पाँचौं र अन्तिम खेल हालसम्मकै बलियो प्रतिस्पर्धी मानिएको यूएईसँग बिहीबार खेल्नेछ। नेपाल विजेत हुने लक्ष्यका साथ युएइ पुगेको हो।