नेपालका लागि गुल्सन र सोमपालले लिए विकेट

काठमाडौं– युएईमा जारी आईसीसी विश्वकप लिग २ को अहिले जारी खेलमा नपालले बलिङतर्फ राम्रो सुरुआत गरेको छ। दुवईको अन्तर्राष्ट्रिय रंगशालामा टस जितेर पहिले बलिङ रोजेको नेपालका लागि सोमपाल कामी र गुल्सन झाले विकेटसमेत लिएका छन्।
फास्ट बलर सोमपालले पाँचौ ओभरको पहिलो बलमा ओपनर टोनी उरालाई आउट गराएका थिए। उनी आउट हुँदा पपुवा न्युगिनियाले ११ रन मात्र बनाएको थियो।
त्यस्तै, खेलको १८ औं ओभरको पाँचौ बलमा गुल्सनले अर्को ओपनर किप्लिन डोयिरगालाई आउट गराएका थिए। डोरिगाले खेलको ५९ बलमा २९ रन बनाएका थिए।